Happy Earth Form
ਇੱਕ ਪੰਥ ਇੱਕ ਸੋਚ
ਸਿੱਖੀ ਸਰਬੱਤ ਦੇ ਭਲੇ ਲਈ ਹੌਦ ਵਿੱਚ ਆਈ ਸੀ। ਗੁਰੂ ਸਾਹਿਬਾਨ, ਭਗਤ ਸਾਹਿਬਾਨ, ਭੱਟਾਂ ਅਤੇ ਗੁਰਸਿਖਾਂ ਦੇ 250 ਸਾਲ ਦੀ ਕਰੜੀ ਘਾਲ ਅਤੇ ਬੇਅੰਤ ਕੁਰਬਾਨੀਆਂ ਤੋ ਬਾਦ ਸੰਸਾਰ ਦੇ ਸਾਂਝੇ ਰਹਿਬਰ, ਜੁਗੋ ਜੁਗ ਅਟੱਲ ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਗੱਦੀ ਤੇ ਬਿਰਾਜਮਾਨ ਹੋਏ। ਦਸਮ ਪਿਤਾ ਨੇ ਸ਼ੀਸ਼ ਨਿਵਾਇਆ, ਜ਼ਿਹਨਾਂ ਦਾ ਸ਼ੀਸ਼ ਕੇਵਲ ਪਰਮੇਸ਼ਰ ਅੱਗੇ ਹੀ ਝੁੱਕ ਸਕਦਾ ਸੀ। ਜਿਸਦਾ ਭਾਵ ਸੀ ਕਿ ਹੁਣ ਇਹ ਗੁਰੂ – ਸਾਹਿਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ – ਹੀ ਹਰ ਸਿੱਖ ਦੇ ਰੱਬ ਰਾਜਾ ਮਹਾਰਾਜਾ ਸਭ ਕੁਝ ਹੀ ਹਨ, ਬਾਕੀ ਸਬ ਨਤਮਸਤਕ ਹੋਣ ਵਾਲੇ ਸਿੱਖ ਮਰਜੀਵੜੇ ਸੇਵਾਦਾਰ ਇਹਨਾਂ ਮਰਜੀਵੜੇ ਸੇਵਾਦਾਰ ਲਈ ਹੀ ਗੁਰੂ ਸਾਹਿਬ ਨੇ ਕਿਹਾ ਸੀ…”ਇਨ ਪੁਤਰਾਂ ਕੇ ਸ਼ੀਸ਼ ਪੈ ਵਾਰ ਦੀਏ ਸੁਤ ਚਾਰ,
ਚਾਰ ਮੁਏ ਤੋਂ ਕਿਆ ਹੂਆ ਜੀਵਤ ਕਈ ਹਜ਼ਾਰ ,
ਇਹ ‘ਹਜ਼ਾਰਾਂ’ ਅਸੀਂ ਹੀ ਹਾਂ , ..ਇਸਦਾ ਕਰਜ਼ਾ ਸਾਡੇ ਸਬ ਤੇ ਹੈ.
ਮਨੁੱਖਤਾ ਦੇ ਇਤਿਹਾਸ ਵਿੱਚ ਐਸਾ ਇਹ ਪਹਿਲੀ ਵਾਰ ਹੈ ਜਦੋਂ ਹਾਜ਼ਿਰਾ ਹਜ਼ੂਰ, ਜ਼ਾਹਿਰਾ ਜ਼ਹੂਰ, ਮਨੁਖੱਤਾ ਦੇ ਸਰਬ ਸਾਂਝੇ ਗੁਰੂ/ ਪੀਰ/ ਪੈਗੰਬਰ (ਧੰਨ ਧੰਨ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਮਹਾਰਾਜ ਦੇ ਰੂਪ ਵਿੱਚ) ਆਪਣੇ ਪੈਰੋਕਾਰਾਂ (ਸਿਖਾਂ) ਸਮੇਤ ਪੂਰੀ ਦੁਨੀਆਂ ਵਿੱਚ ਇੱਕੋ ਸਮੇਂ ਸਾਖ੍ਯਾਤ ਤੌਰ ਤੇ (Physically) ਮੌਜ਼ੂਦ ਹਨ।
ਸਦੀਆਂ ਤੋਂ ਹਰ ਧਰਮ ਦੇ ਵਿਦਵਾਨ ਇਹ ਕਹਿ ਰਹੇ ਹਨ ਕਿ “ਇੱਕ ਦਿਨ ਸੰਸਾਰ ਦਾ ਭਲਾ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਰਹਿਨੁਮਾਈ ਵਿੱਚ ਹੀ ਹੋਣਾ ਹੈ”। ਸੰਸਾਰ ਦੇ ਬਦਲਦੇ ਹਾਲਾਤ ਵੀ ਇਸ ਸਮੇਂ ਦਾ ਹੀ ਇਸ਼ਾਰਾ ਕਰ ਰਹੇ ਹਨ.
ਇਸ ਦੇ ਨਾਲ ਅੱਜ ਦਾ ਇਹ ਸਮਾਂ ਹੋ ਚੁਕੀਆਂ ਬੇਅੰਤ ਕੁਰਬਾਨੀਆਂ ਦਾ ਕਰਜ ਹਲਕਾ ਕਰਨ ਦਾ ਸ਼ਾਇਦ ਸਾਡਾ ਆਖਰੀ ਮੌਕਾ ਹੋ ਸਕਦਾ ਹੈ। ਇਹ ਕਾਰਜ ਸਾਡਾ ਆਤਮ ਨਿਰੀਖਣ ਅੱਤੇ ਸਾਡੀਆਂ ਵਿਚਾਰਾਂ – ਸਫਲਤਾਵਾਂ ਦਾ ਮੁਲਾਂਕਣ ਭੀ ਕਰੇਗਾ ਕਿ “ਕੀ ਇਹ ਸਫਲਤਾਵਾਂ ਸਾਡੇ ਨਿੱਜੀ ਸਵਾਰਥ ਲਈ ਹਨ ਜਾਂ ਸਰਬੱਤ ਦੇ ਭਲੇ ਲਈ ਗੁਰੂ ਪਰਮੇਸ਼ਰ ਦੀ ਬਖ਼ਸ਼ੀ ਦਾਤ।” ????..
ਇੱਕ ਪੰਥ ਇੱਕ ਸੋਚ ਜੋ ਕਿਸੇ ਮਨੁੱਖ ਦੀ ਨਹੀਂ ਬਲਕਿ ਹਰ ਸ਼ਰਧਾਵਾਨ ਸਿੱਖ ਦੀ ਗੁਰੂ ਦੇ ਪਿਆਰ ਵਿਚੋਂ ਉਪਜੀ ਧੁਰ ਅੰਦਰ ਦੀ ਉਹ ਸੋਚ ਹੈ, ਜੋ ਜਾਗਦੀ ਜੋਤ ਜੁਗੋ ਜੁਗ ਅਟੱਲ ਸਤਿਗੁਰੂ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਸਰਬੱਤ ਦੇ ਭਲੇ ਲਈ ਜਗਤ ਗੁਰੂ ਦੇ ਤੱਖਤ ਤੇ ਸੋਭਾਇਮਾਣ ਵੇਖਣਾ ਚਾਹੁੰਦੀ ਹੈ।
ਗੁਰੂ ਸਾਹਿਬ ਜੀ ਦੇ ਹਾਜਿਰ ਨਾਜਿਰ ਹੁੰਦੇ ਹੋਇ ਕਿਸੇ ਇਕ ਸਿੱਖ ਨੂੰ ਧਰਮ ਜਾਂ ਰਾਜਨੀਤੀ ਦੀ ਗੱਦੀ ਤੇ ਬੈਠਣਾ ਸ਼ੋਭਾ ਹੀ ਨਹੀਂ ਦਿੰਦਾ, ਸੇਵਾਦਾਰ ਬਣ ਕੇ ਚਰਨਾਂ ਵਿੱਚ ਰਹਿਣਾ ਹੀ ਜੀਵਨ ਦੀ ਸਫਲਤਾ ਹੈ।
ਅੱਜ ਸਿੱਖਾਂ ਵਿੱਚ ਬਹੁਤ ਹੀ ਡੂੰਘੇ ਤਲ ਤਕ ਪੈ ਚੁੱਕੇ ਪਾੜ ਨੂੰ ਮਿਟਾਉਣ ਦਾ ਵੀ ਇਕ ਹੀ ਰਸਤਾ ਹੈ, ਕਿ ਜੁਗੋ ਜੱਗ ਅਟੱਲ ਗੁਰੂ ਗ੍ਰੰਥ ਸਾਹਿਬ ਜੀ ਹਰ ਸਿੱਖ ਦੇ ਰੱਬ ਰਾਜਾ ਮਹਾਰਾਜਾ ਸਬ ਕੁਝ ਹੀ ਅਤੇ ਬਾਕੀ ਹਰ ਸਿੱਖ ਨਿਸਵਾਰਥ ਨਿਸ਼ਕਾਮ ਧੜੇਬੰਦੀ-ਮੁਕਤ ਸੇਵਾਦਾਰ। ਕਿਉਂਕਿ ਗੁਰੂ ਸਾਹਿਬ ਨੇ ਸਿੱਖ ਨੂੰ ਧੜੇਬੰਦੀ ਤੋਂ ਬਾਹਰ ਰੱਖਿਆ ਹੈ।
(ਧੜੇ ਬਣਾਣ ਵਾਲੇ ਇਹ) ਝੂਠਾ ਅਡੰਬਰ ਕਰ ਕੇ ਇਹ ਧੜੇ ਬਣਾ ਕੇ (ਉਹਨਾਂ ਦੇ ਮਰਨ ਤੇ) ਪਛੁਤਾਂਦੇ ਹਨ। (ਅੰਗ 366) ਅਤੇ
(ਹੇ ਭਾਈ!) ਮੇਰੀ ਮਦਦ ਤੇ ਪਰਮਾਤਮਾ ਆਪ ਹੈ ਜਿਸ ਨੇ (ਮੇਰੇ ਅੰਦਰੋਂ) ਇਹ ਸਾਰੇ ਧੜੇ ਮੁਕਾ ਦਿੱਤੇ ਹੋਏ ਹਨ। (ਅੰਗ 366)
ਸਿੱਖ ਦੀ ਸੇਵਦਾਰੀ ਦਾ ਇਹ ਮਿਸ਼ਨ ਜਗਤ ਗੁਰੂ ਨੂੰ ਪ੍ਰੈਕਟੀਕਲੀ ਰਾਜ ਤਖ਼ਤ ਤੇ ਸੋਭਾਇਮਾਨ ਕਰ, ਆਪ ਸੇਵਾਦਾਰ ਬਣ, ਅਪਣੇ ਅਤੇ ਸਰਬੱਤ ਦੇ ਭਲੇ ਦੇ ਮਿਸ਼ਨ ਵਿਚ ਪ੍ਰਵੇਸ਼ ਕਰਨਾ ਹੈ, ਜਿਸ ਤੋਂ ਕੋਈ ਵੀ ਸਿੱਖ ਇਨਕਾਰੀ ਹੋਣ ਦਾ ਹੱਕ ਨਹੀਂ ਰੱਖਦਾ। ਜੇ ਕੋਈ ਇਨਕਾਰੀ ਹੁੰਦਾ ਹੈ ਤਾਂ ਉਹ ਸਿੱਖ ਹੀ ਨਹੀਂ..।
ਇਸ ਰਾਜ ਦੀ ਬਹਾਲੀ ਲਈ ਸਿੱਖ ਨੂੰ ਅੰਗ 628 ਤੇ ਗੁਰੂ ਸਾਹਿਬ ਆਪਾ ਕੁਰਬਾਨ ਕਰਨ ਦਾ ਇਹ ਨਿਆਰਾ ਰਾਹ ਦੱਸਦੇ ਹਨ।
(ਸਿੱਖ ਕੋਲ ਨਿਮ੍ਰਤਾ-ਸੁਭਾਉ ਵਾਲੀ ਗ਼ਰੀਬੀ ਦੀ ਗੁਰਜ (ਗਦਾ) ਹੈ. ਸਭ ਦੀ ਚਰਨ-ਧੂੜ ਬਣੇ ਰਹਿਣ ਦਾ ਖੰਡਾ ਹੈ, ਤਾਂ ਇਸ (ਗੁਰਜ) ਅਤੇ ਇਸ (ਖੰਡੇ) ਅੱਗੇ ਕੋਈ ਭੀ ਵਿਕਾਰੀ ਹੰਕਾਰੀ ਟਿਕ ਨਹੀਂ ਸਕੇਗਾ। (ਸਾਨੂੰ) ਪੂਰੇ ਗੁਰੂ ਨੇ ਇਹ ਗੱਲ ਬੁੱਝਾ ਦਿੱਤੀ ਹੈ।
(ਜਿਸ ਵੇਲ਼ੇ ਮਨੁੱਖਤਾ ਅਤਿ ਵਿਕਾਰੀ ਹੋ ਜਾਵੇ ਤਾਂ ਮਨੁੱਖਤਾ ਦੇ ਭਲੇ ਲਈ ਗੁਰੂ ਸਾਹਿਬ ਜੀ ਵਲੋਂ ਬਖਸ਼ਿਆ ਇਹ ਪ੍ਰੇਮ ਅਤੇ ਨਿਮਰਤਾ ਦਾ ਹਥਿਆਰ ਹੁਣ ਸਿੰਘ-ਸੂਰਮਿਆਂ ਨੇ ਚੁੱਕਣਾ ਹੈ।) (ਅੰਗ 628) see the website ekpantheksoch.com
ਇਸ ਲਈ ਗੁਰੂ ਸਾਹਿਬ ਜੀ ਦੇ ਹਲੇਮੀ ਰਾਜ ਸਾਰੀ ਲੋਕਾਈ ਦੇ ਮਨੁਖਾਂ ਦੇ ਦਿਲਾਂ ਵਿਚ ਦੀ ਸਥਾਪਨਾ ਲਈ ਸਬ ਸੰਗਤਾਂ ਅਤੇ ਪ੍ਰਬੰਧਕਾਂ ਨੂੰ ਹੱਥ ਜੋੜ ਬੇਨਤੀ ਹੈ, ਕਿ:
· ਗੁਰੂ ਸਾਹਿਬ ਦੇ ਬਖਸ਼ੇ ਗਰੀਬੀ ਦੀ ਗੁਰਜ ਅਤੇ ਸਗਲ ਰੇਣੁ ਦਾ ਖੰਡਾ ਚੁੱਕ ਕੇ ਮਨ ਅਤਿ ਨੀਵਾਂ ਅਤੇ ਮੱਤ ਅਤਿ ਊਚੀ ਰੱਖਕੇ ਆਪ ਜੀ ਗੁਰੂ ਸਾਹਿਬ ਜੀ ਵਲੋਂ ਅੰਗ 730 ਤੇ ਬਖਸ਼ੀ ਜੋਗ ਜੁਗਤ – “ਹੇ ਨਾਨਕ! ਪਰਮਾਤਮਾ ਦੇ ਮਿਲਾਪ ਦਾ ਅੱਭਿਆਸ ਇਉਂ ਕਰਨਾ ਚਾਹੀਦਾ ਹੈ ਕਿ ਦੁਨੀਆ ਦੇ ਕਾਰ-ਵਿਹਾਰ ਕਰਦਿਆਂ ਹੀ ਵਿਕਾਰਾਂ ਵਲੋਂ ਪਰੇ ਹਟੇ ਰਹਿਣਾ ਚਾਹੀਦਾ ਹੈ।”ਅਨੁਸਾਰ ਵਿਚਰਦੇ ਹੋਏ ਹੀ ਗੁਰੂ ਸਾਹਿਬ ਜੀ ਵਲੋਂ ਕੀਤੇ ਹੁਕਮ ਸਰਬੱਤ ਦੇ ਭਲੇ ਦੇ ਹਲੇਮੀ ਰਾਜ ਨੂੰ ਹੋਂਦ ਵਿਚ ਲੈ ਕੇ ਆਉਣ ਲਈ
· ਇਸ ਦੀ ਸਦੀਵੀ ਅਗਵਾਈ ਦਾ ਨਕਸ਼ਾ ਬਣਾਉਣ ਲਈ
· ਇਸਦਾ ਆਦਰਸ਼ ਨਮੂਨਾ ਪੰਥ ਅਤੇ ਸੰਸਾਰ ਸਾਹਮਣੇ ਪੇਸ਼ ਕਰਨ ਲਈ
ਸਿਰਫ਼ ਤੇ ਸਿਰਫ਼ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਅਟੱਲ, ਸਥਾਈ ਅਤੇ ਸਦੀਵੀ ਰਾਜ ਲਈ ਗੁਰੂ ਹੁਕਮਾਨੁਸਾਰ ਇਕ hi (ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਚਰਨ ਸੇਵਕ ਦਲ) (CSD) ਕਾਇਮ ਕਰੀਏ…
ਮੁਰਦਾ ਹੋਏ ਮੁਰੀਦ ਨਾਂ ਗਲੀਂ ਹੋਵਣਾ (ਭਾਈ ਗੁਰਦਾਸ ਜੀ ਵਾਰ 3 ਪੌੜੀ 18)
ਭਾਈ ਗੁਰਦਾਸ ਜੀ ਦੀ ਇਸ ਵਾਰ ਅਨੁਸਾਰ ਗੱਲਾਂ ਨਾਲ ਨਹੀਂ ਬਲਕਿ ਪ੍ਰੈਕਟੀਕਲ ਚੱਲਕੇ ਹੀ ਗੁਰੂ ਸਾਹਿਬ ਜੀ ਦੇ ਮਰਜੀਵੜੇ ਸੇਵਾਦਾਰ ਹੋਣ ਦਾ ਮਾਨ ਪ੍ਰਾਪਤ ਕਰ ਸਕਦੇ ਹਾਂ।
(See the website ekpantheksoch.com)