ਇਕ ਪੰਥ ਇਕ ਸੋਚ
“ਇਕ ਪੰਥ ਇਕ ਸੋਚ” ਤੋਂ ਭਾਵ ਹੈ ਕਿ ਪਰਮੇਸ਼ਰ ਇਕ ਹੈ, ਸਾਡੇ ਸਤਿਗੁਰੂ ਇਕ ਹਨ, ਜੋ ਸੱਬ ਸੰਸਾਰ ਨੂੰ ਮਿਲਾ ਲੈਣ ਦੇ ਸਮਰੱਥ ਹਨ। “ਨਾਨਕ ਸਤਿਗੁਰੁ ਐਸਾ ਜਾਣੀਐ ਜੋ ਸਭਸੈ ਲਏ ਮਿਲਾਇ ਜੀਉ” (ਅੰਗ ੭੨)
ਪਰ ਸਾਡੀ ਸੋਚ ਵਿੱਚ ਇਹਨਾਂ ਵਖਰੇਵਾਂ ਕਿਉਂ???
“ਇਕ ਪੰਥ ਇਕ ਸੋਚ” ਸੈਂਟਰਲ ਕੈਲੀਫੋਰਨੀਆ ਸੰਗਤ ਯੂ ਅੇਸ ਏ ਵੱਲੋਂ ਵਖਰੇਵੇਂ ਛੱਡ ਕੇ ਸਰਬੱਤ ਦੇ ਭਲੇ ਲਈ ਸਿੱਖ ਏਕਤਾ ਲਹਿਰ ਦਾ ਨਾਂ ਹੈ। ਇਹ ਲਹਿਰ ਭਾਵੇਂ ਇੱਥੋਂ ਸ਼ੁਰੂ ਹੋਈ ਹੈ, ਲੇਕਿਨ ਇਥੋ ਇਸ ਸਿਸਟਮ ਲਈ ਮਰਜੀਵੜੇ ਹੀ ਹੋ ਸਕਦੇ ਹਨ ਲੀਡਰਜ ਨਹੀਂ।
“ਮਰਜੀਵੜੇ ”
ਮਰਜੀਵੜੇ ਤੋਂ ਭਾਵ ਹੈ ਗੁਰੂ ਸਾਹਿਬ ਦੇ ਮੂਲ ਉਦੇਸ਼ ਸਰਬੱਤ ਦੇ ਭਲੇ ਲਈ ਆਪਾ ਤਿਆਗ ਕੇ ਸੇਵਾ ਦੀ ਮੂਰਤ ਬਣਨ ਵਾਲੇ ਮਨੁੱਖ। ਅੱਜ ਸਿੱਖ ਸੇਵਾਦਾਰ ਤਾਂ ਹੈ ਪਰ ਮਰਜੀਵੜਾ ਸੇਵਾਦਾਰ ਨਹੀਂ। “ਆਪ ਗਵਾਈਐ ਤਾਂ ਸਹੁ ਪਾਈਐ ਅਉਰੁ ਕੈਸੀ ਚਤੁਰਾਈ“ (ਅੰਗ ੭੨੨) … ਹੀ ਇਕ ਰਸਤਾ ਹੈ ਅਸਲ ਵਿੱਚ ਗੁਰ ਪਰਮੇਸ਼ਰ ਦੀ ਕਿਰਪਾ ਪ੍ਰਾਪਤ ਕਰਨ ਦਾ। “ਆਪਸ ਕੋ ਕਰ ਕਿਛੁ ਨਾਂ ਜਣਾਵੈ”; ਇਹ ਸੇਵਾਦਾਰੀ ਦਾ ਪੂਰੀ ਦੁਨੀਆਂ ਨਾਲ਼ੋਂ ਸਿੱਖੀ ਦਾ ਨਿਵੇਕਲਾ ਮਰਜੀਵੜਾ ਸਿਧਾਂਤ ਹੈ। ਆਮ ਸੰਗਤ ਦੀ ਮਰਜੀਵੜਾ ਬਣਨ ਦੀ ਇਹ ਕੋਸ਼ਿਸ਼ ਹਰ ਸਮਾਜ ਵਿਰੋਧੀ ਅਨਸਰ ਤੋਂ ਮਨੁੱਖਤਾ ਨੂੰ ਬਚਾਉਣ ਲਈ ਹੈ। ਹਰ ਸਿੱਖ ਨੂੰ ਗੁਰੂ ਸਾਹਿਬ ਨੇ ਗੁਰਬਾਣੀ ਦੇ ਅਟੱਲ ਸੰਦੇਸ਼ ਰਾਹੀਂ ਧਰਤ ਸੁਹਾਵੀ ਬੇਗ਼ਮਪੁਰਾ ਲਈ ਮਰਜੀਵੜਾ ਹੀ ਬਣਾਇਆ ਹੈ, ਜੋ ਸਮਾਂ ਪਾ ਕੇ ਸਮਾਜ ਵਿਰੋਧੀ ਅਨਸਰਾਂ ਵੱਲੋਂ ਆਪਣੀ ਚਾਲਾਂ ਤੋਂ ਇਸ ਮੂਲ ਵਿਚਾਰ ਤੋਂ ਸਿੱਖ ਨੂੰ ਦੂਰ ਕੀਤਾ ਗਿਆ ਹੈ। ਅੱਜ ਸੰਸਾਰ ਦੀ ਅਤੇ ਵਿਸ਼ੇਸ਼ ਕਰਕੇ ਪੰਜਾਬ ਦੀ ਹਾਲਤ ਉਸੇ ਸਿਧਾਂਤ ਨੂੰ ਮੁੜ ਸੁਰਜੀਤ ਕਰਨ ਲਈ ਪਰਮੇਸ਼ਰ ਦੀ ਖੇਡ ਕਹੀ ਜਾ ਸਕਦੀ ਹੈ।
ਅੱਜ ਸਿੱਖ ਭਲਾ ਤਾਂ ਬਹੁਤ ਕਰ ਰਿਹਾ ਅਤੇ ਕਰਦਾ ਭ ਰਹੇਗਾ। ਲੇਕਿਨ ਇਸ ਪ੍ਰੋਗਰਾਮ ਰਾਹੀਂ ਸਿੱਖ ਭਲਾ ਕਰਣਗੇ, ਸੇਵਾ ਕਰਣਗੇ ਸੰਸਾਰ ਨੂੰ ਤਾਂ ਜ਼ਰੂਰ ਪਤਾ ਚੱਲੇਗਾ ਪਰ ਨਾਂ ਹੀ ਕਰਨ ਵਾਲੇ ਨੂੰ ਅਤੇ ਨਾਂ ਜ਼ਿਹਨਾਂ ਦਾ ਭਲਾ ਹੋਵੇਗਾ ਦੋਹਾਂ ਨੂੰ ਹੀ ਪਤਾ ਨਹੀਂ ਹੋਵੇਗਾ ਕਿ ਕਿਸ ਨੇ ਭਲਾ ਕੀਤਾ ਅਤੇ ਕਿਸ ਦਾ ਭਲਾ ਹੋਇਆ। ਕਿਉਂਕਿ ਦਾਤਾ ਅਤੇ ਭਲਾ ਕਰਨ ਵਾਲਾ ਇਕ ਪਰਮੇਸ਼ਰ ਹੀ ਹੈ। ਸਿੱਖ ਇਸ ਰੋਗ ਅਤੇ ਹਉਮੈਂ ਪੈਦਾ ਕਰਨ ਵਾਲੀ ਸੋਭਾ ਤੋਂ ਬੱਚ ਜਾਵੇਗਾ । ਕਿਉਂਕਿ ਗੁਰੂ ਵਾਕ ਹੈ “ਆਪਸ ਕੋ ਜੋ ਭਲਾ ਕਹਾਵੈ ਤਿਸੈ ਭਲਾਈ ਨਿਕਟਿ ਨਾਂ ਆਵੈ“
“ਧਰਤ ਸੁਹਾਵੀ ਅਤੇ ਕੁਰਬਾਨੀਆਂ ਦਾ ਕਰਜ ”
ਧਰਤ ਸੁਹਾਵੀ ਬਣਾਉਣ ਅਤੇ ਕੁਰਬਾਨੀਆਂ ਦਾ ਕਰਜ ਉਤਾਰਨ ਲਈ ਸਾਡਾ ਕੀ ਫਰਜ ਹੋ ਸਕਦਾ ਹੈ। ਗੁਰੂ ਦੇ ਮਰਜੀਵੜੇ ਬਣ ਆਪਣੇ ਫਰਜ ਦੀ ਚੋਣ ਕਰੀਏ ਅਤੇ ਅਪਣਾ ਨਿਸ਼ਾਨਾ ਤੈਅ ਕਰਦੇ ਹੋਏ ਅਤੇ ਨਿਸ਼ਾਨਾ ਪੂਰਾ ਕਰਨ ਲਈ ਮਿਲਕੇ ਸੰਸਾਰ ਭਰ ਦੇ ਸਿੱਖਾਂ ਵਲੋਂ ਸਾਂਝੀ ਸੰਸਥਾ Happy Earth Parliament ਬਣਾਈਏ ।
ਸੰਸਾਰ ਦੇ ਹੋਰ ਧਰਮਾਂ ਦੇ ਸ਼ਾਮਲ ਹੋਣ ਤੱਕ “ਸਬ ਸੁਖਾਲੀ ਵੁਠੀਆ ਇਹੁ ਹੋਆ ਹਲੇਮੀ ਰਾਜੁ ਜੀਉ” (ਅੰਗ ੭੨) ਤੇ ਸੁਸੋਭਿਤ ਗੁਰੂ ਹੁਕਮਾਂਨੁਸਾਰ ਸਿੱਖ *ਮਰਜ਼ੀੜਿਆਂ ਨੇ ਸਬ ਜੀਵਾਂ ਪਸੂ ਪੰਛੀਆਂ, ਕਾਦਰ ਦੀ ਕੁਦਰਤ ਦੀ ਖ਼ੁਸ਼ਹਾਲੀ ਦਾ ਵਿਧਾਨ ਤਿਆਰ ਕਰਨਾ। ਜਿਸ ਦਾ ਆਧਾਰ ਹੈ “ਏਕੁ ਪਿਤਾ ਏਕਸ ਕੇ ਹਮ ਬਾਰਿਕ” (ਅੰਗ ੬੧੧) ਜਿਸਨੂੰ ਗੁਰੂ ਸਾਹਿਬ ਵੱਲੋਂ ਬਖ਼ਸ਼ੇ *ਮਰਜੀਵੜਾ ਸਿਧਾਂਤ ਅਨੁਸਾਰ ਸਕਾਲਰਜ ਵੱਲੋ ਧਰਤ ਸੁਹਾਵੀ ਵਿਧਾਨ Happy Earth Legislation ਜਲਦ ਤਿਆਰ ਕਰਨਾ ਅਤੇ ਪੰਥ ਵਿੱਚ ਲਾਗੂ ਕਰਨਾ।
ਧਰਤ ਸੁਹਾਵੀ ਲਈ ਮਰਜੀਵੜੇ ਮੂਲ ਰੂਪ ਵਿੱਚ “ਕੋਊ ਊਨ ਨਾਂ ਕੋਊ ਪੂਰਾ ।। ਕੋਊ ਸੁਘਰੁ ਨਾਂ ਕੋਊ ਮੂਰਾ।।” (ਅੰਗ ੨੫੨) ਤੇ ਸੁਸੋਭਿਤ ਹੁਕਮਾਂਨੁਸਾਰ Human equality ਦੇ ਸਿਧਾਂਤ ਤੇ ਪਹਿਰਾ ਦੇਣਗੇ।ਗੁਰੂ ਸਾਹਿਬ ਅਤੇ ਬੇਅੰਤ ਸਿੱਖਾਂ ਦੀਆਂ ਕੁਰਬਾਨੀਆਂ ਦਾ ਕਰਜ ਪਰਿਵਾਰ ਅਤੇ ਸੰਸਾਰ ਤੋਂ ਉਤਾਰਨ ਲਈ ਸਬ ਹੀ ਇਹ ਫ਼ਾਰਮ ਭਰਣਗੇ।ਫ਼ਾਰਮ ਭਰਨ ਉਪਰੰਤ ਕਿਸੇ ਪ੍ਰਕਾਰ ਦੀ ਸੇਵਾ ਸੰਭਾਲਣ ਤੋਂ ਪਹਿਲਾਂ ‘ਹਮ ਸਭਨਾਂ ਕੇ ਸਾਜਨ” ਗੁਰੂ ਹੁਕਮਾਨੁਸਾਰ ਵਿਰੋਧੀ ਨੂੰ ਮਿੱਤਰ ਬਣਾਕੇ ਹੀ ਸੇਵਾ ਸ਼ੁਰੂ ਕਰ ਸਕਣਗੇ। ਇਹਨਾਂ ਦੀ ਸੇਵਾ ਨੂੰ ਧਰਤ ਸੁਹਾਵੀ ਲਈ ਪੰਜ ਭਾਗਾਂ ਵਿੱਚ ਵੰਡਿਆ ਗਿਆ ਹੈ।ਕੁਲ ਕਿਤਨੇ ਵੀਰ ਇਕ ਕੈਟਾਗਿਰੀ ਵਿੱਚ ਆਖਿਰੀ ਤੋਰ ਤੇ ਸੇਵਾ ਕਰਣਗੇ।ਉਹਨਾਂ ਦੀ ਸੈਲੇਕਸਨ ਕਿਵੇਂ ਹੋਵੇ ਸੰਸਾਰ ਭਰ ਵਿੱਚੋਂ ਚੁਣੇ ਹੋਏ *ਮਰਜੀਵੜੇ ਸਕਾਲਰਜ ਹੀ ਤੈਅ ਕਰਣਗੇ।
ਧਰਤ ਸੁਹਾਵੀ Happy Earth Parliament (HEP) ਦੇ ਵੈਧਾਨਿਕ ਢਾਂਚੇ ਦੀ ਬਣਤਰ
Happy Earth Parliament ਗੁਰੂ ਸਾਹਿਬ ਜੀ ਦੇ ਬਖਸ਼ੇ “ਕਲ ਤਾਰਨ ਗੁਰੂ ਨਾਨਕ ਆਇਆ। ਰਾਣਾ ਰੰਕ ਬਰਾਬਰੀ ਪੈਰੀਂ ਪਵਣਾ ਜਗਿ ਵਰਤਾਇਆ” ਦੇ ਸਿਧਾਂਤ ਮਨੁੱਖੀ ਬਰਾਬਰਤਾ, ਨਿਮਾਣੇ ਦੀ ਵੱਧ ਮਾਨਤਾ ਅਤੇ ਸੰਗਤ ਰਬ ਰੂਪ ਹੈ ਦੇ ਗਾਡੀ ਰਾਹ ਅਨੁਸਾਰ ਕਾਰਜ ਕਰੇਗੀ।
ਧਰਤ ਸੁਹਾਵੀ ਦਾ ਇਹ ਵਿਧਾਨ ਸੰਗਤਾਂ ਲਈ, ਸੰਗਤਾਂ ਦਾ ਸੰਗਤਾਂ ਵੱਲੋਂ ਹੀ ਹੋਵੇਗਾ। ਇਹ ਵਿਧਾਨ ਖਾਲਸ ਅਤੇ ਨਿਸ਼ਕਪਟ ਰਹੇ, ਇਸ ਲਈ ਇਸ ਦੇ ਰੱਬ – ਰਾਜਾ – ਮਹਾਰਾਜਾ ਸਭ ਕੁਝ ਹੀ ਹਨ ਹਮੇਸ਼ਾ ਗੁਰੂ ਸਾਹਿਬ ਰਹਿਣਗੇ (ਕੋਈ ਲੀਡਰ ਨਹੀਂ) । ਗੁਰੂ ਸਾਹਿਬ ਸੰਗਤ ਨੂੰ ਵੱਡਾ ਦਰਜਾ ਬਖ਼ਸ਼ਦੇ ਹਨ। ਧਰਤ ਸੁਹਾਵੀ ਲਈ ਗੁਰਬਾਣੀ ਦੀ ਰੋਸ਼ਨੀ ਵਿੱਚ ਵਿਚਾਰ ਦੇਣਾ ਹਰ ਸਕਲਾਰਜ਼ ਦਾ ਹੱਕ ਹੈ ਗੁਰੂ ਘਰਾਂ ਨਾਲ ਸੰਬੰਧਤ ਮਰਜੀਵੜਿਆਂ ਅਤੇ HEP ਵਿਚ ਸ਼ਾਮਿਲ ਹੋਣ ਵਾਲੇ ਸਕਾਲਰਜ ਲਈ ਕੇਸਾਧਾਰੀ ਹੋਣਾ ਲਾਜ਼ਮੀ ਹੋਵੇਗਾ। ਹੱਥ ਜੋੜ ਕੇ ਪ੍ਰੇਰਨਾ ਦੇ ਕੇ ਕਿਸ਼ੇ ਨੂੰ ਭੀ ਅੰਮ੍ਰਿਤਧਾਰੀ ਬਣਾਉਣਾ ਇਹ ਕਿਸੇ ਭੀ ਸਿੱਖ ਦੀ ਅਪਨੀ ਨਿੱਜੀ ਕਾਬਲੀਅਤ ਹੋਵੇਗੀ। ਹਰ ਪੱਖ ਤੋਂ ਵਿਚਾਰ ਅਪਨੀ ਮੱਤ ਤਿਆਗ ਕੇ ਗੁਰਬਾਣੀ ਵਿੱਚ ਦਰਸਾਏ ਸੱਚੇ ਮਾਰਗ ਅਨੁਸਾਰ ਹੋਵੇਗਾ, ਕਿਸੇ ਮਨੁੱਖ ਦੀ ਨਿੱਜੀ ਸੋਚ ਅਨੁਸਾਰ ਨਹੀਂ। ਸਾਹਿਬ ਸ੍ਰੀ ਗੁਰੂ ਗਰੰਥ ਸਾਹਿਬ ਜੀ (ਰੱਬ – ਰਾਜਾ – ਮਹਾਰਾਜਾ ਸਭ ਕੁਝ ਹੀ ਹਨ ਹਮੇਸ਼ਾ) ਤੋਂ ਸਿਵਾਇ ਕੋਈ ਲੀਡਰ ਨਹੀਂ ਹੋਵੇਗਾ । |
“ਸੈਟਰਲ ਵੈਲੀ ”
ਕੈਲੀਫੋਰਨੀਆ ਅਮੇਰਿਕਾ ਦੀ ਵੱਡੀ ਸਟੇਟ ਹੈ।ਅਮੇਰਿਕਾ ਵਿੱਚ ਵਸਦੇ 7 ਲੱਖ ਸਿੱਖਾਂ ਵਿੱਚੋਂ ਲਗਭਗ ਅੱਧੀ ਆਬਾਦੀ ਇੱਥੇ ਵਸਦੀ ਹੈ। ਇਸਨੂੰ ਗੋਲ਼ਡਨ ਸਟੇਟ ਕਰ ਕੇ ਭੀ ਜਾਣਿਆ ਜਾਂਦਾ ਹੈ।ਸੈਟਰਲ ਕੈਲੀਫੋਰਨੀਆ ਜਾਂ ਸੈਟਰਲ ਵੈਲੀ ਇਸ ਦੇ ਮੱਧ ਭਾਗ ਨੂੰ ਕਿਹਾ ਜਾਂਦਾ ਹੈ।
“ਸੰਸਥਾਵਾਂ ”
ਸਿੱਖ ਕੌਂਸਲ ਸੈਂਟਰਲ ਕੈਲੀਫੋਰਨੀਆ, ਗਰੁੱਪ ਆਫ ਸੈਲੀਬਰਿਟੀਜ ਸੇੰਟ੍ਰਲ ਵੈਲੀ, ਮੀਰੀ ਪੀਰੀ ਸੇਵਾ ਸੋਸਾਇਟੀ ਕੈਲੀਫੋਰਨੀਆ, ਜਕਾਰਾ ਮੂਵਮੈਂਟ ਕੈਲੀਫੋਰਨੀਆ, ਇੰਡੋ ਅਮੇਰਿਕਨ ਹੈਰੀਟੇਜ਼ ਫੋਰਮ ਸੇੰਟ੍ਰਲ ਵੈਲੀ, ਮਾਤਾ ਗੁਜ਼ਰੀ ਗਰੁੱਪ ਸੈਟਰਲ ਕੈਲੀਫੋਰਨੀਆ, ਸਿੱਖ ਵੁਮੈਨ ਆਫ ਸੇੰਟ੍ਰਲ ਕੈਲੀਫੋਰਨੀਆ
ਇਹ ਸਾਰੀਆਂ ਸੰਸਥਾਵਾਂ None Profit ਹਨ। ਕਈ ਦਹਾਕਿਆਂ ਤੋਂ ਸੈਟਰਲ ਵੈਲੀ ਵਿੱਚ ਅਪਨੇ ਅਪਨੇ ਖੇਤਰ ਵਿੱਚ ਸੰਗਤਾਂ ਦੇ ਸਹਿਯੋਗ ਨਾਲ ਵੱਡੀਆਂ ਸੇਵਾਵਾਂ ਕਰ ਰਹੀਆਂ ਹਨ।ਸੰਗਤਾਂ ਦੀਆਂ ਹਰ ਤਰਾਂ ਨਾਲ ਸਹਿਯੋਗੀ ਹਨ। ਸਰਬੱਤ ਦੇ ਭਲੇ ਲਈ “ਇਕ ਪੰਥ ਇਕ ਸੋਚ” ਸੰਗਤਾਂ ਵੱਲੋਂ ਸਿੱਖ ਏਕਤਾ ਲਹਿਰ ਦੀਆਂ ਪੁਰਜੋਰ ਹਾਮੀ ਅਤੇ ਸਹਿਯੋਗੀ ਹਨ।ਸੈਲੀਬਰੀਟਿਜ ਵੈਲੀ ਦੇ ਪਤਵੰਤੇ ਸੱਜਨਾਂ ਦਾ ਇਸੇ ਕਾਰਜ ਲਈ ਬਣਿਆ ਹੋਇਆ ਇਕ ਸਮਾਜ ਸੇਵੀ ਗਰੁੱਪ ਹੈ।